كل واحد بيعمل بأصله!.. تولين بكري تبين دوافع غيابها عن عزاء وديع جورج وسوف

أثار غياب عدد كبير من الفنانين والنجوم السوريين عن عزاء وديع وسوف، نجل سلطان الطرب جورج وسوف، في بلدته كفرون، جدلا واسعا على مواقع التواصل الاجتماعي.
وأوضجت نقابة الفنانين انها فضلت ان تترك مساحة للعائلة في اليوم الاول، على ان تقوم برفقة عدد من الفنانين بتقديم واجب العزاء لاحقا.
الا ان ما كتبته الممثلة السورية تولين البكري عن سبب غيابها، شكل صدمة لدى رواد مواقع التواصل الاجتماعي.
اذ لفتت الى انها تعرضت للخذلان من اقرب الاشخاص الذين وعدوها باصطحابها الى العزاء ولم يصدقوا معها.
فكتبت: “للاسف ما عاد عندي حل لوصل عزائي إلا من خلال السوشيال ميديا، بما أنو معظم الناس اللي لجأت الهم لياخدوني معهم عالكفرون لقوم بواجب العزاء خذلوني”.
وتابعت: “مو مهم، كل واحد بيعمل بأصله، الدنيا محسوبيات ومظاهر… الأهم هو هالأب وهالانسان اللي قبل ما يكون فنان جورج وسوف (مع حفظ أسمى الألقاب له)”.
كما وأردفت البكري: “بدي قله مصابك كبير كتير ومصابنا كلنا، وصعب شو ماحكينا وعزينا نلاقي بقاموس كلمات اللغة مفردات تبرد قلبك الكبير”.
تولين البكري تتحدث عن تجربتها بفقدان الولد
وتابعت: “صعب كتير على أم وديع تتقبل هالفاجعة لفترة طويلة من الوقت، وأنا أم بزمانها راح طفلها صغير، وجنيت لبلشت استوعب حقيقة الفقد، فكيف إذا كان شب!”.
وأكملت قائلة: “حاسة كتير بوجعكم وبكل لحظة وأنا قاعدة لحالي عم بتخيل شو حاسين هلأ وعم يعصر قلبي من الوجع اقسم بالله”.
واستمرت تولين: “لكن بعرف كمان ادي ايمانكم كبير بالله…. أعظم دوا بالفترة الجاية هو الصبر والايمان والوقت، كفيل انو يخفف (شوي) من مصابكم”.
واضافت تولين في منشورها: “لا تحرقوا قلب وديع بدموعكم لانو هو هلأ بمكان احلا بكتير من هون ودموعكم ووجعكم وأنينكم رح يزعلوه كتير”.
وختمت تولين البكري: “ادعولوا ونحنا عم ندعيلكم من قلوبنا، الله يبرد حرقة قلبكم ويصبركم على مصابكم ويمرق الأيام الجاية على خير لانو صحتك بتهمنا يا أبو الوديع، خليك قوي ومؤمن متل ما منعرفك، ودموعك انت وأم وديع نار عم تكوي قلوبنا، ربنا يكون معكم وكلنا ولادكم”.